आई सोबत कपडे धुण्यासाठी गेलेल्या एका १२ वर्षीय मुलाचा नदीत बुडून आई समोरच मृत्यु.
एस.के.24 तास
सिंदेवाही : तालुक्यातील बोकडोह नदीवर आपल्या आईसोबत कपडे धुण्यासाठी गेलेल्या एका १२ वर्षीय मुलाचा नदीत बुडून आई समोरच मृत्यु झाल्याची घटना आज दि. ६ ऑगस्टला सकाळी ९. वाजताच्या सुमारास घडली.लोकेश उर्फ समीर मोहन वरखडवार (१२) रा. खातगाव असे मृतक बालकाचे नाव आहे.
आई कपडे धुत असताना लोकेश उर्फ समीर हा नदीच्या पाण्यात आंघोळ करण्याकरिता गेला, त्याला पाण्याचा अंदाज न आल्याने त्याचा पाण्यात बुडून मृत्यू झाला. सदर घटना लोकेश याच्या आई समोरच घडली. या घटनेची माहिती सिंदेवाही पोलिसांना देण्यात आली असून पोलीस उपनिरीक्षक श्रीकांत लांजेवार व त्यांच्या पथकाला घटनास्थळी येवून पंचनामा केला.
मृतकाला शवविच्छेदनाकरिता ग्रामीण रुग्णालय सिंदेवाही येथे पाठविले. लोकेश उर्फ समीर याचा मृत्युने वरखडवार कुटुंबीयांवर दुख:चे डोंगर कोसळले.या घटनेने खातगावात हळहळ व्यक्त केली जात आहे
