अनेक वर्षे पक्षासोबत प्रामाणिक राहूनही उमेदवारी नाकारल्याने संतप्त कार्यकर्त्यांकडून राष्ट्रवादी काँग्रेसच्या कार्यालयाची तोडफोड.

अनेक वर्षे पक्षासोबत प्रामाणिक राहूनही उमेदवारी नाकारल्याने  संतप्त कार्यकर्त्यांकडून राष्ट्रवादी काँग्रेसच्या कार्यालयाची तोडफोड.

एस.के.24 तास

नागपूर : महापालिका निवडणुकीसाठी अर्ज भरण्याच्या शेवटच्या दिवशी कार्यकर्त्यांचा रागाचा बांध अखेर फुटला. अनेक वर्षे पक्षासोबत प्रामाणिक राहूनही उमेदवारी नाकारल्याने संतप्त कार्यकर्ते उघडपणे आपली नाराजी व्यक्त करत आहेत. कुठे नेत्यांच्या घरावर मोर्चा तर कुठे पक्ष सोडण्याची धमकी दिली जात आहे. 

काही ठिकाणचे कार्यकर्ते उमेदवारी नाकारल्यामुळे पक्षकार्यालयासमोर आत्मदहनाचा इशारा देत आहेत. त्यामुळे नेत्यासमोरही अडचण निर्माण झाली आहे. नागपूरमध्ये राष्ट्रवादी काँग्रेस अजीत पवार गटाच्या एका कार्यकर्त्याने चक्क कार्यालयामध्ये तोडफोड केली आहे. यामध्ये कार्यालयातील मालमत्तेचे प्रचंड हानी झाली आहे. 

महापालिका निवडणुकीच्या निमित्ताने राज्यातील राजकीय समीकरणांमध्ये मोठा बदल पाहायला मिळत आहे. ठाकरे बंधूंच्या युतीनंतर आता काका-पुतण्यांनीही एकत्र येण्याचे ठरवले आहे. पुणे व पिंपरी चिंचवड महापालिका निवडणुकीसाठी राष्ट्रवादी काँग्रेसच्या दोन्ही गटांनी अखेर युतीची घोषणा केली आहे.स्थानिक पातळीवर झालेल्या या युतीमुळे दोन्ही पक्षांतील विलिनीकरणाच्या चर्चांनी जोर अधिकच धरला आहे.

१५ जानेवारीला होणाऱ्या महापालिका निवडणुकांसाठी भाजपाने शिवसेना शिंदे गटाबरोबर युती केली. यादरम्यान अजित पवार यांच्या नेतृत्वाखालील पक्षाला त्यांनी युतीत घेतले नाही. त्यामुळे राष्ट्रवादी काँग्रेस पक्षासमोर मोठे आव्हान निर्माण झाले होते. राज्यभरात भाजपाचा प्रभाव आणखीनच वाढला, तर महायुतीत आपले वजन कमी होईल, अशी भीती त्यांना सतावत होती.

 नागपूर महापालिकेमध्ये अजीत पवार गटा महायुतीपासून वेगळा आहे. भाजपसोबत त्यांची चर्चा झाली असली नागपूर हा भाजपचा बालेकिल्ला असल्याने राष्ट्रवादीला अधिकच्या जागा देण्यास नकार दिला. त्यामुळे राष्ट्रवादीने स्वतंत्र लढण्याचा निर्णय घेतला.यानंतरही पक्षाला कार्यकर्त्यांचे समाधान करता आले नाही.

राष्ट्रवादी काँग्रेसचे गणेशपेठ येथे कार्यालय आहे. याठिकाणी उमेदवारी दिली जात आहे. यासाठी बाहेरील प्रभारीही आले आहेत. यावेळी अविनाश मार्डिकर या कार्याकर्त्याला पक्षाने उमेदवारी नाकारली असता त्याने संतप्त होत सामानाची तोडफोड केली.यावेळी एक संगणक आणि खिडक्यांची काचेही तुटली.यामुळे प्रचंड नुकसान झाले आहे. कार्यकर्त्यांचा समज काढण्यास राष्ट्रवादी कमी पडत असल्याचीही चर्चा आहे.