पोंभुर्णा तालुक्यातील चेक ठाणेवासना गावात एक जीबीएसचा रुग्ण आढळल्याने खळबळ ; आरोग्य यंत्रणेकडून लपवाछपवी.
एस.के.24 तास
पोंभुर्णा : " गुइलेन बॅरे सिंड्रोम " अर्थात " जीबीएस " ने चंद्रपूर जिल्ह्यात धडक दिली आहे. जिल्ह्यातील पोंभुर्णा तालुक्यातील चेक ठाणेवासना गावात एक जीबीएसचा रुग्ण आढळल्याने खळबळ उडाली आहे. गेल्या महिनाभरापासून या रुग्णावर नागपूर येथील इंदिरा गांधी वैद्यकीय महाविद्यालयात उपचार सुरु आहेत.
मात्र आरोग्य यंत्रणाच याबाबत अनभिज्ञ आहे.पोंभुर्णा तालुक्यातील चेक ठाणेवासना गावातील एका १२ वर्षीय मुलीला जीबीएसची लागण झाली आहे. तिची प्रकृती चिंताजनक असल्याचे समजते.
या मुलीला जीबीएसची लागण झाल्याचे निष्पन्न झाले आहे. उपायोजना आणि सतर्कता म्हणून तत्काळ आम्ही चेक ठाणेवासना,दिघोरी,गंगापूर, नवेगाव मोरे येथील नागरिकांच्या रक्ताचे नमुने तपासणीसाठी घेतले.गावातील पिण्याच्या पाण्याचे स्त्रोताच्या सुद्धा नमुने घेतले आहे.जीबीएसचे लक्षण इतरांत आढळून आले नाही. आणखी काही गावातील नागरिकांच्या रक्तांची तपासणी केली जात आहे. - डॉ.संदेश मामीडवार,तालुका वैद्यकीय अधिकारी,पोंभुर्णा