टिप्परने मोटार सायकल चिरडले.आजी आजोबा च्या डोळ्या देखत दोन नातवंडाचा मृत्यू ; आजी आजोबा गंभीररित्या जखमी.

टिप्परने मोटार सायकल चिरडले.आजी आजोबा च्या डोळ्या देखत दोन नातवंडाचा मृत्यू ; आजी आजोबा गंभीररित्या जखमी.

एस.के.24 तास 

बुलढाणा : बुलढाणा जिल्ह्यातील शेगाव परिसरातून आज सकाळी अतिशय दुर्देवी आणि धक्कादायक  बातमी आली आहे.यामुळे शेगाव,जळगाव जामोद परिसरच नव्हे तर जिल्हाच हादरला आहे.परिसरात झालेल्या भीषण अपघातात आजी आजोबाच्या डोळ्या देखत दोन नातवंडाचा मृत्यू झाला. 

या दुर्घटनेत आजी आजोबा गंभीररित्या जखमी झाले आहे. त्यांच्यावर नजीकच्या रुग्णालयात उपचार सुरु  असून त्याची प्रकृती गंभीर असल्याचे  पोलीस व रुग्णालय सूत्रानी  सांगितले. मृत बालक अमरावती जिल्ह्यातील रहिवासी असल्याचे सूत्रांनी संगितले.अक्षय तृतीयेच्या मुहूर्तावर जाहीर होणाऱ्या पीक पाणी आणि अन्य भाकीतसाठी प्रसिद्ध भेंडवळ नजिकच्या माऊली फाट्याजवळ  ही भीषण दुर्घटना घडली.आज शुक्रवारी,9 मे रोजी सकाळी 11:30.च्या सुमारास हा अपघात झाला आहे. या भीषण अपघात मध्ये टिप्परने मोटारसायकला चिरडले.

पळशी सुपो येथून शेगाव कडे येणाऱ्या मोटरसायकलला भेंडवळ जवळील माऊली फाटा येथे भरधाव जाणाऱ्या टिप्परने जोरदार धडक दिली.यामध्ये मोटरसायकल वरील दोन बालके जागीच ठार तर दोन जण गंभीर जखमी झाले आहेत. 

आपल्या आजी आजोबा सोबत दोन्ही नातवंड हे शेगावकडे येत होते.  पळशी सुपो (  तालुका जळगाव जामोद जिल्हा बुलढाणा) येथून प्रकाश महादेव खेडकर आणि साधना प्रकाश खेडकर हे पती-पत्नी आपल्या दोन नातवंड पार्थ चोपडे (वय ६, राहणार राजापेठ अमरावती) आणि युवराज मोहन भागवत (वय ५ वर्ष राहणार बडनेरा, जिल्हा अमरावती )या दोघांसह मोटरसायकलने शेगाव कडे निघाले होते. 

दरम्यान माऊली फाटा येथे मागून भरधाव वेगाने येणाऱ्या टिप्परने या मोटरसायकलला चिरडले. या भीषण अपघातामध्ये दोन्ही नातवंडांचा जागीच मृत्यू झाला.  आजी आणि आजोबा गंभीरित्या जखमी झाले असून त्यांच्या डोळ्यादेखत दोन्ही लाडक्या नातवंडांचा दुर्देवी करुण अंत झाला. 

अपघात घडताच माऊली फाटा परिसरात असलेल्या ग्रामस्थ, प्रवासी, लघु व्यावसायिक यांनी घटना स्थळाकडे  धाव घेत मदत केली. काही नागरिकांनी पोलिसांना घटनेची माहिती दिली.

घटनेची माहिती मिळताच जळगाव जामोद पोलीस ठाण्याचे ठाणेदार  व कर्मचारी माऊली फाट्यावर आले.खामगाव विभागाचे अपर पोलीस अधीक्षक श्रेणिक लोढा हे सुद्धा घटनास्थळी पोहोचले . 

पोलिसांनी गंभीर जखमीना उपचार  साठी रुग्णालयात हलविले. बालकांचे मृतदेह विच्छेदना साठी पाठविण्यात आले. अपघात स्थळाचा पंचनामा करुन पोलिसांनी वाहतूक सुरळीत केली. अपघातची माहिती अमरावती व बडनेरा येथील नातेवाईकांना देण्यात आली.