मुल येथील मेंढपाळ मल्लाजी येगेवार वाघाच्या हल्ल्यात ठार.
एस.के.24 तास
मुल : मुल शहराजवळ शेतात असलेल्या मेंढ्याच्या कळपावर वाघाने हल्ला करीत मल्लाजी येगेवार रा.मुल यास ठार केले.रात्रौची घटना असून सकाळी उघडकीस आली.मुल तालुक्यात पहिल्या घटनेनंतर दुसऱ्याच दिवशी मेंढपाळास ठार केल्याची घटना घडल्याने परिसरात भीतीचे वातावरण पसरले आहे.
मुल शहरापासून सोमनाथ मार्गांवर अगदी हाकेच्या अंतरावर शेतात रात्री मुक्कामी असलेल्या शेळ्या मेंढ्याच्या कळपावर हल्ला करीत मेंढपाळ मल्लाजी येगेवार वय,60 वर्ष रा.मुल यास ठार केल्याची घटना सकाळी उघडकीस आली आहे.
काल एमआयडीसी परिसरात निलेश कोरेवार या मेंढपाळाचा वाघाच्या हल्यात मृत्यू झाला.तर आज मलाजी येगेवार यांचा मृत्यू झाल्याने परिसरात दहशतीचे वातावरण आहे. वाघास जेरबंद करण्याची मागणी मुल तालुक्यातून होत आहे.
