संविधान दिनानिमित्त संविधान ग्रंथ भेट गडचिरोलीत समता संघर्ष समाज परिवर्तन संघटना महाराष्ट्र राज्य यांचा उपक्रम.
एस.के.24 तास
गडचिरोली : दि.26 नोव्हेंबर 2025 रोजी सायंकाळी 6.30 वाजता समता संघर्ष समाज परिवर्तन संघटना महाराष्ट्र राज्य यांच्या वतीने संविधान दिनाचे औचित्य साधून एक मूल्यवान उपक्रम गडचिरोली शहरातील चामोर्शी रोड वरील पेट्रोल पंप येथे कार्यक्रम आयोजित करण्यात आले सदर कार्यक्रमात पेट्रोल पंप येथे कार्यरत असलेल्या आयु. महेश काळबांधे यांना संविधान ग्रंथ भेट स्वरूपात देण्यात आला.
हा उपक्रम सामाजिक जागृती निर्माण करून संविधानातील मूल्ये सर्वसामान्य जनतेपर्यंत पोहोचविण्यासाठी आयोजित करण्यात आला असल्याची माहिती संघटनेतर्फे देण्यात आली.
या प्रसंगी संघटनेचे प्रमुख सामाजिक कार्यकर्ते मा. लक्ष्मण मोहुर्ले,प्रदेश सचिव मा.किशोर नरुले, तसेच मा.मंगेश पुरणवार,मा.अमर चौधरी,मा.संदीप चिप्रोजवार,मा.अक्षय वालदे, मा.सचिन पांडे,मा.निलेश भोयर,मा.नितीन पांडे,मा. मंथन सहारे आणि मा.जय चिप्रोजवार यांची उपस्थिती लाभली.
संविधान ग्रंथ भेट देण्याचा हा उपक्रम प्रशंसनीय असल्याचे मत उपस्थितांनी व्यक्त केले असून, समाजात संविधानिक मूल्यांची जाणीव अधिक दृढ व्हावी असा उद्देश असल्याचे आयोजकांनी सांगितले.

