गडचिरोली भाजप जिल्हाध्यक्षपदी रमेश बारसागडे यांची नियुक्ती.

गडचिरोली भाजप जिल्हाध्यक्षपदी रमेश बारसागडे यांची नियुक्ती.

एस.के.24 तास

गडचिरोली : भाजप ने राज्यभरातील कार्यकारिणीत बदल करीत १३ मे रोजी जिल्हाध्यक्षांची घोषणा केली होती. संघटन पर्व अंतर्गत हे बदल करण्यात आले. २२ जिल्ह्यांबाबत निर्णय राखून ठेवला होता. गडचिरोलीचा समावेश होता. अखेर ३१ मे रोजी प्रदेश कार्यालयाने उर्वरित जिल्हाध्यक्षांची यादी जाहीर केली. 

यात गडचिरोली भाजप जिल्हाध्यक्षपदी रमेश बारसागडे यांची नियुक्ती करण्यात आली.प्रशांत वाघरे यांच्या जागी बारसागडे यांच्या रुपाने नवा मोहरा दिला.

भाजप जिल्हाध्यक्षपदी कोणाची निवड होते, याकडे सर्वांचे लक्ष लागले होते.अखेर ही प्रतीक्षा ३१ मे रोजी दूर झाली.प्रदेश निवडणूक अधिकारी आ. चैनसुख संचेती यांनी २२ जिल्हाध्यक्षांची निवड जाहीर केली. लोकसभेसह तिन्ही विधानसभा क्षेत्र अनुसूचित जमातीसाठी राखीव आहेत, त्यामुळे संघटनात्मक पातळीवर बहुसंख्येने असलेल्या ओबीसींना संधी देण्याचा पायंडा आहे. 

 झाली.पक्षाने तेली समाजातून आलेल्या रमेश बारसागडे यांच्या गळ्यात जिल्हाध्यक्षपदाची माळ घातली.

मुख्यमंत्री व पालकमंत्री देवेंद्र फडणवीस, प्रदेशाध्यक्ष व महसूल मंत्री चंद्रशेखर बावनकुळे, आमदार डॉ.मिलिंद नरोटे,माजी खासदार अशोक नेते,माजी आमदार डॉ.देवराव होळी, कृष्णा गजबे, मजी राज्यमंत्री अम्ब्रीशराव आत्राम,ज्येष्ठ सहकार नेते अरविंद पोरेड्डीवार, महिला जिल्हाध्यक्षा गीता हिंगे,मोरेश्वर भांडेकर माजी सरपंच येवली आदींनी त्यांचे स्वागत केले आहे.

रमेश बारसागडे हे चामोर्शीतील शिवाजी महाविद्यालयात प्राध्यापक आहेत. राष्ट्रवादी काँग्रेसमधून त्यांच्या राजकारणाची सुरुवात झाली. नंतर ते भाजपवासी झाले. २०१७ मध्ये त्यांनी कुनघाडा जि.प.गटातून भाजपकडून नशीब आजमावत विजय मिळवला.जि.प. मध्ये कृषी सभापतीपदही भूषविले.शांत,संयमी नेतृत्व म्हणून त्यांची पक्षात ओळख आहे.