भामरागड परिसरात घातपात घडवून आणण्याच्या उद्देशाने रेकी करणाया नक्षल समर्थकास गडचिरोली पोलीस दल व CRPF ने केली अटक.
एस.के.24 तास
भामरागड : (01/10/2025) गडचिरोली जिल्हा हा माओवादग्रस्त जिल्हा म्हणून ओळखला जातो. येथे माओवादी सरकारी मालमत्तेचे नुकसान करणे, सुरक्षा दलाच्या जवानांवर हल्ला करणे व इतर प्रकारच्या सरकारी कामात अडथळे आणून जाळपोळ करणे इ. देशविघातक कृत्य करत असतात.
सुरक्षा दलांविरुद्धच्या हिंसक कारवायांमध्ये सक्रिय सहभाग असलेल्या एका नक्षल समर्थकास काल दिनांक 30/09/2025 रोजी गडचिरोली पोलीस दल व सिआरपीएफने अटक केली आहे. गडचिरोली पोलीस दलाच्या प्रभावी माओवादविरोधी कारवाईमुळे जानेवारी 2022 ते आतापर्यंत एकूण 110 माओवाद्यांना अटक करण्यात गडचिरोली पोलीस दलास यश आले आहे.
सविस्तर वृत्त असे आहे की, दि.29/09/2025 रोजी भामरागड परिसरामध्ये पोस्टे भामरागड येथील पोलीस पथक, सिआरपीएफ 37 बटा.एफ कंपनीचे जवान माओवादविरोधी अभियान राबवित असताना इंट सेल प्राणहिता येथील अधिकारी व अंमलदार यांना गोपनीय बातमिदाराकडून माहिती मिळाली की, एक संशयित इसम भामरागड परिसरात सुरक्षा दलातील जवानांची रेकी करण्याच्या उद्देशाने फिरत आहे.
यावरुन पोस्टे भामरागड व सिआरपीएफच्या जवानांनी त्याला भामरागड परिसरातून दिनांक 29/09/2025 रोजी ताब्यात घेतले होते.त्यावेळी सदर संशयीत व्यक्तीकडे विचारपूस केली असता, तो उडवा-उडवीची उत्तरे देत असल्याने अधिक सखोल चौकशी करण्यासाठी पोलीस उप-मुख्यालय प्राणहिता येथे आणले असता,चौकशीअंती सदर इसम हा कट्टर नक्षल समर्थक सैनु ऊर्फ सन्नु अमलु मट्टामी, वय 38 वर्षे, रा.पोयारकोठी ता.भामरागड जि. गडचिरोली असल्याचे उघड झाले. अधिक चौकशी दरम्यान समोर आले आहे.
सदर इसमाचा पोलीसांच्या अभिलेखावरील विध्वंसक कारावाया व गुन्ह्रांमध्ये सक्रीय सहभाग असल्याची शक्यता असून घातपात घडवून आणण्याच्या उद्देशाने तो भामरागड परिसरात रेकी करण्यासाठी दाखल झाला होता. सैनु ऊर्फ सन्नु अमलु मट्टामी याचा दिनांक, 27/08/2025 रोजी पोस्टे कोठी हद्दीतील मौजा कोपर्शी-फुलनार जंगल परिसरात पोलीस व माओवाद्यांमध्ये झालेल्या चकमकीमध्ये सक्रीय सहभाग असल्याचे निष्पन्न झाले आहे.
या अनुषंगाने पोस्टे कोठी येथे दाखल अप क्र. 02/2025 अन्वये काल दिनांक 30/09/2025 रोजी अटक करण्यात आली असून सदर गुन्ह्राचा पुढील तपास उपविभागीय पोलीस अधिकारी, भामरागड श्री. अमर मोहिते हे करीत आहेत. तसेच इतर विध्वंसक कारावाया व गुन्ह्रांमध्ये सैनु ऊर्फ सन्नु अमलु मट्टामी याच्या सहभागाची पडताळणी सुरु आहे.
सदरची कारवाई विशेष पोलीस महानिरीक्षक (नक्षलविरोधी अभियान) श्री. संदिप पाटील, पोलीस उप-महानिरीक्षक गडचिरोली परिक्षेत्र श्री.अंकित गोयल, उप-महानिरीक्षक (अभियान) सिआरपीएफ श्री.अजय कुमार शर्मा, पोलीस अधीक्षक गडचिरोली श्री.नीलोत्पल, कमांडंट 37 बटा. सिआरपीएफ श्री.दाओ इंजिरकान कींडो,
अपर पोलीस अधीक्षक (अभियान) श्री. एम. रमेश, अपर पोलीस अधीक्षक अहेरी (प्राणहिता) श्री. सत्य साई कार्तिक, अपर पोलीस अधीक्षक (प्रशासन) श्री. गोकुल राज जी.पोलीस उप-अधीक्षक (अभियान) श्री. विशाल नागरगोजे व उपविभागीय पोलीस अधिकारी भामरागड श्री.अमर मोहिते यांचे मार्गदर्शनाखाली पोस्टे भामरागड,इंट सेल प्राणहिता व
सिआरपीएफचे अधिकारी व जवान यांनी पार पाडली. यावेळी पोलीस अधीक्षक श्री. नीलोत्पल यांनी सदर परिसरात माओवादविरोधी अभियान आणखी तीव्र करण्याचे संकेत दिले असून, पुन्हा एकदा माओवाद्यांना माओवादाची हिंसक वाट सोडून आत्मसमर्पण करुन सन्मानाने जीवन जगण्याचे आवाहन केले आहे.
