चंद्रपूर मध्ये 4 खंडणीबाज पत्रकारांना अटक ; विधवा महिलेकडून 1 लाखाची खंडणी.
एस.के.24 तास
चंद्रपूर : दिवाळी व स्थानिक स्वराज्य संस्थांच्या निवडणूका बघता जिल्ह्यात पत्रकारांचा सुळसुळाट झाला आहे. अशाच खंडणीबाज पत्रकारांनी चंद्रपूर शहरातील एका असहाय व विधवा महिलेला धाक दाखवून तिच्याकडून एक लाखाची खंडणी स्वीकारल्या प्रकरणी...
सत्यशोधक न्युज, चंद्रपूर (वेबपोर्टल) मुख्य संपादक राजु नामदेवराव शंभरकर वय,५७ वर्ष,
इंडिया २४ न्यूज, चंद्रपूर (वेबपोर्टल) चे चंद्रपूर जिल्हा प्रतिनिधी कुणाल यशवंत गर्गेलवार वय,३७ वर्ष
दैनिक विदर्भ कल्याणचे चंद्रपूर तालुका प्रतिनिधी अविनाश मनोहर मडावी वय,३३ वर्ष
भारत टी.व्ही. न्यूज,आग्रा (टी.व्ही. चॅनल) चंद्रपूर जिल्हा प्रतिनिधी राजेश नारायण निकम वय,५६ वर्ष या चौघांना अटक केल्याने पत्रकारांच्या वर्तुळात खळबळ उडाली आहे.
जिल्ह्यात खंडणीबाज पत्रकारांचा सुळसुळाट आहे.अशा बोगस व खंडणीबाज पत्रकारांविरूध्द पोलीस दलाने मोहिम सुरू केली आहे. याच मोहिमेत खंडणीबाज पत्रकार राजु शंभरकर, कुणाल यशवंत गर्गेलवार,अविनाश मडावी तथा राजेश निकम यांनी पत्रकार असल्याचा धाक दाखवून एका विधवा महिलेच्या घरी गेले व ती अवैध काम करत आह. त्याबाबत बातमी प्रसिध्द न करण्यासाठी सदर महिलेकडून एक लाख रुपयाची मागणी केली.पैसे न दिल्यास तिला ठार करण्याची धमकी देऊन तिच्याकडून एक लाख रुपये खंडणी स्वीकारली.
सदर प्रकरणाची तक्रार रामनगर पोलिसांना प्राप्त होताच चारही खंडणीबाज पत्रकारांविरूध्द गुन्हा दाखल करण्यात आला. या गुन्हयाचे तपासात रामनगर पोलिसांनी या चार पत्रकारांबाबत माहिती काढली असता ते चंद्रपूर शहरातील वेगवेगळया दैनिक न्युज पेपर, वेबपोर्टल न्युज व न्युज टी.व्ही.चॅनलचे संपादक, जिल्हा व तालुका प्रतिनिधी असल्याची माहिती झाली. त्यांची नावे निष्पन्न करुन...
सत्यशोधक न्युज, चंद्रपूर (वेबपोर्टल) मुख्य संपादक राजु नामदेवराव शंभरकर,रा.लालपेठ कॉलरी नं.१ चंद्रपूर,
इंडिया २४ न्यूज, चंद्रपूर (वेबपोर्टल) चंद्रपूर जिल्हा प्रतिनिधी कुणाल यशवंत गर्गेलवार, रा.विठ्ठल मंदीर वार्ड मथुरा चौक, चंद्रपूर, दैनिक विदर्भ कल्याण,उमरेड नागपूर
(दैनिक न्यूज पेपर) चंद्रपूर तालुका प्रतिनिधी अविनाश मनोहर मडावी,रा.इंदिरानगर मुल रोड चंद्रपूर,
भारत टी.व्ही. न्यूज, आग्रा (टी.व्ही. चॅनल) चंद्रपूर जिल्हा प्रतिनिधी राजेश नारायण निकम,रा.जमनजेट्टी पाटील वाडी, लालपेठ वार्ड चंद्रपूर या चारही खंडणीबाज पत्रकारांना ताब्यात घेण्यात आले.
या चौघांची चौकशी केली असता त्यांनी गुन्हयाची कबुली दिली. सदर गुन्ह्यातील नमुद आरोपीतांचे आणखी दोन साथीदार असल्याचे निष्पन्न झाले असुन त्यांचाही शोध घेणे सुरु आहे. सदरची कारवाई पोलीस अधीक्षक मुमक्का सुदर्शन, अपर पोलीस अधिक्षक ईश्वर कातकडे, उपविभागीय पोलीस अधिकारी प्रमोद चौगुले यांचे मार्गदर्शनात पोलीस निरीक्षक आसिफ राजा शेख यांच्या नेतृत्वात सपोनि देवा नरोटे, निलेश वाघमारे, हनुमान उगले, जितेंद्र आकरे, शरद कुडे, आनंद खरात, लालु यादव, बाबा नैताम, मनिषा मोरे, रविकुमार ढेंगळे, पंकज ठोंबरे, प्रफुल्ल पुप्लवार, संदिप कामडी, सुरेश कोरवार, रुपेश घोरपडे व ब्ल्युटी साखरे यांनी केली आहे.
नागरिकांना आवाहन : -
कोणीही पत्रकार अथवा पोलीस असल्याची बतावणी करुन अशा प्रकारची फसवणुक करून लुटमार केली असेल किंवा खंडणी मागत असेल तर त्यांनी तात्काळ नजीकच्या पोलीस स्टेशनला किंवा डायल ११२ वर संपर्क करुन माहिती द्यावी, असे पोलिसांनी आवाहन केले आहे.
