अ-हेरनवरगांव येथे संविधान दिन व महात्मा ज्योतिबा फुले पुण्यतिथी साजरी.

अ-हेरनवरगांव येथे संविधान दिन व महात्मा ज्योतिबा फुले पुण्यतिथी साजरी.

अमरदीप लोखंडे, सहसंपादक.

ब्रम्हपुरी : तालुक्यातील अ-हेरनवरगांव येथे बौद्ध समाजाच्या वतीने 26 नोव्हेंबर हा संविधान दिन मोठ्या थाटामाटात साजरा करण्यात आला.संविधान दिनाचे औचित्य साधून गावात प्रथमता रॅलीचे आयोजन करण्यात आले.ग्रामपंचायत कार्यालयातील डॉक्टर बाबासाहेब आंबेडकर यांच्या प्रतिमेसमोर दीप प्रज्वलन करून प्रतिमेला माल्यार्पण करून बौद्ध बांधवांनी त्यांना अभिवादन केले. 

त्यानंतर झेंडावंदन करून संविधान व संविधान निर्माते यांच्या विषयी कार्यक्रमाचे प्रमुख पाहुणे पूर्णचंद्राजी क-हाडे,बन्सीजी क-हाडे,तुलारामजी वासनिक,संजय मेश्राम,करुणा सहारे,संध्या खोब्रागडे,बिंदिया बोरकर,गयाबाई मेश्राम वअध्यक्ष ध्रुवाजी खोब्रागडे यांनी आपले मनोगत व्यक्त केले.

रात्रौ आहुती या तीन अंकी नाटकाचा प्रयोग सादर करण्यात आला.कार्यक्रमाचे सूत्रसंचालन विशाल जनबंधू व आभार गोवर्धन बागडे यांनी व्यक्त केले.दिनांक,28 नोव्हेंबर हा दिवस रॉयल युवा मंच मंडळाच्या वतीने महात्मा ज्योतिबा फुले यांची पुण्यतिथी शिक्षक दिन म्हणून साजरा करण्यात आला.या कार्यक्रमाचे उद्घाटक विलास ऊरकुडे यांनी अध्यक्ष सतीश ठेंगरे व प्रमुख पाहुणे सुधीर दोणाडकर,रामलाल लांजेवार 

भास्कर लांजेवार ,ग्रामपंचायत सदस्य संजय ठेंगरे,श्रीकांत पिलारे ,माजी पोलीस पाटील बगमारे,कार्यक्रमाचे प्रमुख वक्ते सुरज मून यांनी क्रांतीज्योती सावित्रीबाई फुले व महात्मा ज्योतिबा फुले यांना पुष्प अर्पण करून अभिवादन केले.कार्यक्रमाचे प्रमुख मार्गदर्शक सुरज मून यांनी महात्मा ज्योतिबा फुले यांच्या जीवनाविषयी विविध पैलू द्वारे आपले मनोगत व्यक्त केले. 

या प्रसंगी कुमारी मंजुषा मदनकार हिची आरोग्य सेविका म्हणून स्पर्धा परीक्षा मध्ये निवड झाल्यामुळे तिचे मान्यवरांच्या हस्ते गौरव करण्यात आला.कार्यक्रमानंतर स्नेह भोजनाचा व मनोरंजन म्हणून गीतांचा कार्यक्रम आयोजित करण्यात आला होता.कार्यक्रमाचे सूत्रसंचालन व आभार सुरज मदनकर यांनी व्यक्त केले.कार्यक्रमाच्या यशस्वीतेसाठी अ-हेरनवरगांव येथील माळी समाज यांनीअथक परिश्रम घेतले.