व्याहाड (बुज) ते गडचिरोली मार्गांवरील वैनगंगा नदीत 3 मेडिकल विद्यार्थी बुडाले ; शोध मोहीम सुरु असुन तिन्ही विध्यार्थी मिळाले नाही.
एस.के.24 तास
सावली : सावली तालुक्यातील व्याहाड (बुज) जवळील वैनगंगा नदीखाली आज दिनांक,10/05/2025 रोजी अंदाजे दुपारी 4:00.वा.च्या दरम्यान मेडिकल कॉलेज गडचिरोली येथील प्रथम वर्षात शिकत असलेले 3 विद्यार्थी वैनगंगा नदीत बुडाल्याची घटना घडली आहे.
चंद्रपूर गडचिरोली महामार्गावरील व्याहाड (बुज) जवळील वैनगंगा नदीच्या पुलाखाली मेडिकल कॉलेज गडचिरोली येथील,गोपाल गणेश साखरे,पार्थ बाळासाहेब जाधव,स्वप्निल उद्धवसिंग शिरे,शिवम श्रीधर जायभाई, सार्थक राजेश पाठक,सुजित धनाजी देशमुख हे विद्यार्थी आंघोळीसाठी आले होते.
आंघोळ करत असताना दुपारी 4:00.वा.दरम्यान 6 विद्यार्थ्यांपैकी 3 जण बुडाल्याची माहिती 3 विद्यार्थ्यांनी सांगितलेली.गडचिरोली येथील मेडिकल कॉलेज मध्ये शिकत असलेले 6 जण कॉलेजला सुट्टी असल्यामुळे वैनगंगा पुलाखाली जाऊन तिथे पोहण्याचा आनंद लुटण्याचा बेत बहुतेक करून येथे आले असावे.
आंघोळ करीत असतानाच त्यातीलच 3 विद्यार्थी बुडाले अजूनही शोध सुरु असुन मिळालेले नाही.
1) गोपाल गणेश साखरे वय,20 वर्ष रा.चिखली जि. बुलढाणा
2) पार्थ बाळासाहेब जाधव वय,20 वर्ष रा.शिर्डी जिल्हा,अहमदनगर
3) स्वप्निल उद्धवसिंग शीरे वय,20 वर्ष संभाजीनगर
हे 3 जण वैनगंगा नदीमध्ये बुडाल्याची माहिती त्यातीलच तीन विद्यार्थ्यांनी दिलेली आहे.
(विशेष म्हणजे महाशिवरात्रीच्या दिवशी त्याच ठिकाणी चंद्रपूर येथील 3 मुलींचा पोहत असताना बुडून मृत्यू झालेला होता.)
सदरची माहिती पोलीस ठाणे सावली यांना मिळताच काही वेळ शोध मोहीम सुरु होती.
