पोलीस स्टेशन ताडगाव हद्दीतील मौजा कुडकेली जंगल परिसरात बनावट देशी दारु तयार करण्याचा कारखाना केला उद्ध्वस्त ; दोन दिवसांपूर्वी नव्याने सुरु झालेल्या बनावट देशी दारु कारखान्यातील 39.31 लाखांचा मुद्देमाल जप्त.
📍धुळे जिल्ह्यातील चार आरोपीना अटक ; वाहन चालक फरार.
एस.के.24 तास
भामरागड : पोलीस अधीक्षक श्री.नीलोत्पल यांचे अवैध दारु विक्री व तयार करणायांवर अंकुश लावण्याबाबत मिळालेल्या आदेशान्वये काल दिनांक 14/05/2025 रोजी स्थानिक गुन्हे शाखेस मिळालेल्या गोपनिय माहितीनूसार दक्षिण गडचिरोली मध्ये पोलीस स्टेशन ताडगाव हद्दीतील मौजा कुडकेली जंगल परिसरात बनावट देशी दारु तयार करण्याचा कारखाना दोन दिवसांपूर्वी सुरु झाल्याची खात्रीशिर माहिती मिळाली.
अशा मिळालेल्या गोपनिय माहितीवरुन पोलीस अधीक्षक श्री. नीलोत्पल व प्रभारी पोलीस अधीक्षक श्री.यतिश देशमुख यांच्या मार्गदर्शनाखाली स्थानिक गुन्हे शाखेचे प्रभारी अधिकारी पोनि.अरुण फेगडे, सपोनि.राहुल आव्हाड, सपोनि.भगतसिंग दुलत व त्यांचे पोलीस पथक तसेच सोबतीला विशेष अभियान पथक,प्राणहिताचे जवान सदर ठिकाणी रवाना करण्यात आले.
सदर पथकातील पोलीस अधिकारी व अंमलदार यांनी गोपनिय माहिती मिळालेल्या ठिकाणच्या जंगल परिसरास घेराव घातला असता, पोलीसांची चाहूल लागताच अंधाराचा व जंगलाचा फायदा घेऊन घटनास्थळावरील एक चार चाकी वाहन वेगाने ताडगाव ते आलापल्ली रोडच्या दिशेने जाण्याचा प्रयत्न केला.
सदर वाहनाचा पाठलाग केला असता,वाहन चालकाने कारखाण्याच्या ठिकाणापासून 200 मीटर अंतरावर वाहन उभे करुन जंगलाचा फायदा घेऊन पळून गेला.सदर वाहनाची पाहणी केली असता,त्यात देशी दारुचे बॉक्स दिसून आले. वीजेची सुविधा नसल्याने वाहन व कारखाना परिसरास योग्य तो घेराव घालुन घटनास्थळ संपूर्ण रात्रभर सुरक्षित ठेवले.
दिनांक 15/05/2025 रोजी सकाळी 07:00 वा. पंचासमक्ष छापा कारवाई केली असता, छाप्यात लाखो रुपयांची बनावट दारु जप्त करण्यात आली तसेच बनावट दारु बनविण्याकरिता आवश्यक असणारे साहित्य देखील जप्त करण्यात आले.जप्त करण्यात आलेल्या मुद्देमालामध्ये खालीलप्रमाणे साहित्य मिळून आले.
📍15 प्लास्टीक ड्रममध्ये बनावट देशी दारु तयार करण्याकरिता वापरण्यात येणारे स्पिरीट – 4500 लीटर - अंदाजे किंमत 13,65,000/- रुपये.
📍1000 लीटर क्षमतेचे 02 व 750 लीटर क्षमतेचे 01 बनावटी देशी दारुने भरलेले ड्रम- अंदाजे किंमत – 8,25,000/- रुपये
📍90 एम.एल. मापाचे बनावटी देशी दारुने भरलेले 8700 बाटल्या- अंदाजे किंमत 6,96,000/- रुपये.
📍एक पांढया रंगाची होंडा कंपनीचे ब्रिाओ चारचाकी वाहन क्र. एमएच 46 ए. यु. 2260 - अंदाजे किंमत 4,00,000/- रुपये.
📍एक ग्रे रंगाची होंडा शाईन कंपनीची मोटार सायकल क्र. एमएच 34 बीपी 6430 - अंदाजे किंमत 60,000/- रुपये.
📍किसान पॉवर गोल्ड कंपनीचे 7.5 एच.पी. कंपनीचे जनरेटर - अंदाजे किंमत 1,00,000/- रुपये.
देशी दारुच्या बाटल्या सिलबंद करण्यासाटी वापरण्यात येणारी 05 नग सिलींग मशीन - अंदाजे किंमत – 2,50,000/- रुपये इतर - वायर, रॉकेट देशी दारु प्रवरा डिस्टीलरी प्रवरा नगर असे लिहीलेले कागदी पिं्रटेड लेबल, जेट पंप, पाईप, ट्रे, प्लास्टीक कॅन, रासायनिक द्रव्य, खोके, बॅटरी, इन्व्हर्टर, बाटलीचे झाकण, रिकाम्या बाटल्या, ताडपत्री, गॅस शेगडी, गॅस सिलेंडर इ. साहित्य - अंदाजे किंमत – 2,35,100/- रुपये असा एकुण 39,31,100/- रुपये किंमतीचा मुद्देमाल घटनास्थळावरुन जप्त करण्यात आला.
संबंधीत घटनेच्या अनुषंगाने घटनास्थळावरुन
1) वसंत प्रदान पावरा,वय,19 वर्षेरा.बोराडी ता.शिरपूर जि.धुळे
2) शिवदास अमरसिंग पावरा वय,35 वर्षे रा.धाबापाडा ता.शिरपूर जि.धुळे
3) अर्जुन तोयाराम अहिरे वय,33 वर्षे रा.ता.जि.धुळे
4) रविंद्र नारायण पावरा वय,18 वर्षे रा.सलाईपाडा ता. शिरपूर जि.धुळे
यांना ताब्यात घेण्यात आले आहे.सदर घटनेमधील फरारी आरोपीतांचा शोध घेणे सुरु असून, पोस्टे ताडगाव येथे गुन्हा नोंद करण्याची प्रक्रिया सुरु आहे. सदर घटनेचा पुढील तपास सपोनि.भगतसिंग दुलत स्था.गु.शा. गडचिरोली हे करीत आहेत.
सदरची कारवाई पोलीस उप-महानिरीक्षक गडचिरोली परिक्षेत्र श्री.अंकित गोयल,पोलीस अधीक्षक श्री.नीलोत्पल,प्रभारी पोलीस अधीक्षक श्री.यतिश देशमुख,अपर पोलीस अधीक्षक (प्रशासन) श्री.एम.रमेश,अपर पोलीस अधीक्षक अहेरी श्री.सत्यसाई कार्तिक यांच्या मार्गदर्शनाखाली स्थानिक गुन्हे शाखा गडचिरोली चे प्रभारी अधिकारी पोनि.अरुण फेगडे,
सपोनि.राहुल आव्हाड, सपोनि.भगतसिंग दुलत, विशेष अभियान पथक प्राणहिताचे पोउपनि. विजय सपकाळ, स्था.गु.शा.चे पोहवा/सुधाकर दंडीकवार,अकबरशहा पोयाम, पोअं/शिवप्रसाद करमे,राजु पंचफुलीवार, चापोअं/निकेश कोडापे यांनी पार पाडली.
