गडचिरोली पोलीस दलाच्या प्रोजेक्ट उडान अंतर्गत गडचिरोली येथील युवक - युवती मेकाट्रॉनिक्स डिप्लोमा आणि अप्रेंटिसशिप करीता पुणे येथे रवाना.
📍क्विज विनिंग टुगेदर कंपनी व टाटा मोटर्स कंपनी पुणे यांच्या सहकार्याने 29 युवक - युवती घेणार उपक्रमाचा लाभ.
एस.के.24 तास
गडचिरोली : (दि.10/06/2025) गडचिरोली जिल्हयातील गरजु युवक-युवतींना रोजगाराची संधी उपलब्ध करून देण्याच्या उद्देशाने गडचिरोली जिल्हा पोलीस दलाच्या पोलीस दादालोरा खिडकीच्या माध्यमातुन प्रोजेक्ट उडान अंतर्गत पोलीस अधीक्षक गडचिरोली श्रीनीलोत्पल यांचे मार्गदर्शनाखाली गडचिरोली जिल्ह्रातील सुशिक्षित युवक-युवतींकरीता गडचिरोली पोलीस दल, क्विज विनिंग टुगेदर कंपनी व टाटा मोटर्स कंपनी पुणे यांच्या संयुक्त विद्यमाने ‘ कमवा व शिका ’ या योजनेंतर्गत मेकाट्रॉनिक्स डिप्लोमा आणि अप्रेंटिसशिप
करीता आज दिनांक 10/06/2025 रोजी 29 युवक - युवतींना प्रशिक्षणकामी टाटा मोटर्स कंपनी, पुणे येथे रवाना करण्यात आले.
सदर कंपनीमध्ये युवक-युवतींना मेकाट्रॉनिक्स डिप्लोमा आणि अप्रेंटिसशिपचे एकुण 03 वर्षाचे प्रशिक्षण दिले जाणार आहे.
तसेच सदर कालावधीत युवक-युवतींना स्टायफंड देखील दिले जाणार आहे. प्रशिक्षण पूर्ण केल्यानंतर या युवक-युवतींना टाटा मोटर्स कंपनी, पुणे येथे नोकरी देखील मिळवून देण्यात येणार आहे. सदर उपक्रमामूळे गडचिरोली जिल्ह्रातील गरजू सुशिक्षित आदिवासी तरुण तरुणींना औद्योगिक प्रशिक्षण मिळण्यास मदत होऊन याद्वारे उपलब्ध होणाया रोजगारामुळे त्यांचे जीवनमान उंचाविण्यास मदत होणार आहे.
आतापर्यंत गडचिरोली पोलीस दलाकडून रोजगार व स्वयंरोजगार मेळाव्याच्या माध्यमातून पोलीस दादालोरा खिडकी अंतर्गत 8103 युवक-युवतींना रोजगार व 5614 युवक-युवतींना स्वयंरोजगार प्रशिक्षण देण्यात आले आहे.
यासोबतच पोलीस अधीक्षक कार्यालय, गडचिरोली येथिल स्किलींग इन्स्टिट¬ुटच्या माध्यमातून आजपर्यंत एकूण 120 वेब डेव्हलपर व 120 सॉफ्टवेअर डेवलपर व 1564 युवक-युवतींना ड्रायÏव्हग, 208 कराटे, 300 एस.पी.सी. व 1700 युवक-युवतींना पोलीस भरती पूर्व प्रशिक्षण असे एकुण 3912 युवक-युवतींना विविध प्रकारचे प्रशिक्षण देण्यात आलेले आहे.
सदर उपक्रमाच्या यशस्वीतेकरीता सर्व उपविभागीय अधिकारी सर्व पोस्टे/उपपोस्टे/पोमकेंचे प्रभारी अधिकारी तसेच नागरी कृती शाखेचे पोउपनि. चंद्रकांत शेळके व अंमलदार यांनी अथक परिश्रम घेतले.
