रानटी डुक्कराने धडक दिल्याने ग्रामसेवकाचा दुचाकी अपघातात मृत्यू ; दिभना - अमिर्झा मार्गावरील घटना.

एस.के.24 तास

गडचिरोली (Wild Boar Attack) : रानटी डुक्कर दुचाकीला धडकल्याने झालेल्या अपघातात ग्रामसेवकाचा जागीच मृत्यू झाला. सदर अपघाताची घटना (Wild Boar Attack) 6 जुन रोजी सकाळी 8.45 वा.च्या सुमारास दिभना- अमिर्झा मार्गावर घडली.

प्रमोद पुडंलिक घोसेकर वय,52 वर्ष रा.चनकाई नगर वार्ड क्र.१५ गडचिरोली असे मृतकाचे नाव आहे. प्राप्त माहितीनुसार ग्रामसेवक घोसेकर हे गडचिरोली पंचायत समिती अंतर्गत भिकारमौशी ग्रामपंचायत मतध्ये कार्यरत होते. ते सकाळीच्या सुमारास आपल्या दुचाकीने कर्तव्यावर जात होते.

दरम्यान दिभना गावापासून १ किमी अंतरावर झुडपी जंगलातून धावत आलेल्या (Wild Boar Attack) रानडुक्कराने रस्ता ओलांडतांना दुचाकीला धडक दिली. यामुळे घोसेकर हे डांबरी रस्त्यावर कोसळले.त्यांच्या डोक्याला गंभिर दुखापत झाली. 

जशी घटना घडली काही वेळातच ग्रा.पं.कर्मचारी साईनाथ कंदीलवार,ज्ञानेश्वर गुरुनुले,हिवराज सलामे, यांनी तातडीने उपचारासाठी गडचिरोली येथील जिल्हा सामान्य रूग्णालय, गडचिरोली येथे शवविच्छेद करण्यासाठी नेण्यात आले.