40 नगरपालिका 17 नगरपंचायतींमध्ये आरक्षणाची मर्यादा ओलांडली : निवडणुका पुढे जाणार ?
एस.के.24 तास
महाराष्ट्रात नगरपंचायत आणि नगरपरिषदेची निवडणूक प्रक्रिया सुरु आहे. यासाठी 2 डिसेंबरला मतदान आणि 3 डिसेंबर रोजी मतमोजणी होणार. पण त्यापूर्वीच जवळपास 40 नगरपालिका आणि 17 नगरपंचायतींची निवडणूक कार्यक्रम पुढे जाण्याची शक्यता आहे.आरक्षणाची मर्यादा ओलांडल्याने हा निवडणूक कार्यक्रम स्थगित होऊन पुन्हा नव्याने कार्यक्रम घोषित होण्याची शक्यता आहे.सर्वोच्च न्यायालयात आज यावर सुनावणी होणार आहे.
स्थानिक स्वराज संस्था निवडणुकीत 50 टक्के आरक्षणाची मर्यादा ओलांडल्याची याचिका सुप्रीम कोर्टात दाखल करण्यात आली होती. यावरून सुप्रीम कोर्टाने राज्य सरकारला खडे बोल सुनावत आरक्षणाची मर्यादा ओलांडता येणार नसल्याचे म्हटले होते. जिथे आरक्षणाची मर्यादा ओलांडली अशा ठिकाणची निवडणूक स्थगित करू असे इशारा कोर्टाने दिला होता. तसेच कुठेकुठे आरक्षणाची मर्यादा ओलांडली याची आकडेवारी सादर करण्यास सांगितले होते. त्याप्रमाणे सरकार आज आकडेवारी सादर करणार आहेत.त्यावर कोर्ट निर्णय घेईल.
सरकारच्या आकडेवारीनुसार, 57 नगरपरिषद आणि नगरपंचायती, 17 जिल्हा परिषद, 83 पंचायत समित्या आणि 2 महापालिकांमध्ये आरक्षणाची मर्यादा ओलंडल्याचे समोर आले आहे.
नगरपालिका : -
अमरावती - चिखलदरा, दर्यापूर
यवतमाळ - आर्णी, यवतमाळ
नांदेड - बिलोली,धर्माबाद, कुंडलवाडी, उमरी
परभणी - पूर्णा
पालघर - जव्हार
भंडारा - साकोली-शेंदूरवापा
चंद्रपूर - बल्लारपूर, भद्रावती, ब्रह्मपुरी, चिमूर, घुग्घूस, नागभीड, राजुरा
गडचिरोली - आरमोरी,देसाईगंज,गडचिरोली
नागपूर - बुटीबोरी, दिगडोह (देवी),कामठी, काटोल,खापा, उमेरड, कन्हान-पिंपरी,वाडी
वर्धा - पुलगाव
अहिल्यानगर - शिर्डी
धुळे - पिंपळनेर
नंदुरबार - नवापूर, तळोदा
नाशिक - मनमाड, इगतपुरी, ओझर, त्र्यंबक
पुणे - दौंड
नगरपंचायत : -
अमरावती - धारणी
वाशिम - मालेगाव
यवतमाळ - ढाणकी
पालघर - वाडा
चंद्रपूर - भिशी
गोंदिया - गोरेहाव, सालेकसा
नागपूर - बेसा पिपळा,भिवापूर,गोधनी रेल्वे,कंद्री कन्हान,बीडगाव - तरोडी - पांढुर्णा,महादुला,मौदा पंचायत,निलडोह,येरखेडा
