चंद्रपूर जिल्ह्यातील घुग्घुस,मुल आणि गडचांदूर पालिकांच्या एकूण पाच प्रभागांतील निवडणुकांना राज्य निवडणूक आयोगाने पुढील आदेशा पर्यंत स्थगिती. 📍उमेदवारांमध्ये संभ्रमाचे वातावरण आहे.

चंद्रपूर जिल्ह्यातील घुग्घुस,मुल आणि गडचांदूर पालिकांच्या एकूण पाच प्रभागांतील निवडणुकांना राज्य निवडणूक आयोगाने पुढील आदेशा पर्यंत स्थगिती. 

📍उमेदवारांमध्ये संभ्रमाचे वातावरण आहे.

एस.के.24 तास

चंद्रपूर : आरक्षणाच्या मुद्यावर न्यायालयाने निवडणुकीला स्थगिती देण्यास नकार दिला आहे. मात्र चंद्रपूर जिल्ह्यातील घुग्घुस नगर पालिकेतील 3,मूल व गडचांदूर येथील प्रत्येकी एक अशा 5 प्रभागातील निवडणुकीला राज्य निवडणूक आयोगाने पुढील आदेशापर्यंत स्थगिती दिली आहे. त्यामुळे या 5 प्रभागातील निवडणूक कधी होईल याबाबत संभ्रमावस्था आहे.

या जिल्ह्यातील बल्लारपूर,भद्रावती,वरोरा, चिमूर, ब्रम्हपुरी,नागभीड,मुल,राजुरा,गडचांदूर,घुग्घुस या दहा नगर पालिका व भिसी या एका नगर पंचायतसाठी निवडणूक होत आहे. नामांकनाची छाननी होवून 26 नोव्हेंबर रोजी उमेदवारांना चिन्ह वाटप करण्यात आले. 

त्यानंतर प्रचाराची रणधुमाळी सुरू झाली.प्रचार ऐन रंगात आला असतानाच आता जिल्ह्यातील घुग्घुस नगर पालिकेतील 3 प्रभाग व मूल आणि गडचांदूर येथील प्रत्येकी एक अशा 5 प्रभागातील निवडणुकीला राज्य निवडणूक आयोगाने स्थगिती दिली आहे.

या संदर्भात जिल्हाधिकारी विनय गौडा यांना विचारणा केली असता, उमेदवारी अर्जाच्या छाननी प्रक्रियेनंतर काही उमेदवारांनी जिल्हा न्यायालयात धाव घेतली. त्यावर न्यायालयात सुनावणी झाली. मात्र उमेदवारी अर्ज मागे घेतल्यानंतर प्रचारासाठी किमान 8 दिवसांचा कालावधी मिळायला हवा.येथे 8 दिवसाचा अवधी मिळत नसल्याने आणि आयोगाकडून अंतिम आदेश देण्यास विलंब झाल्याने या निवडणुकांना स्थगिती दिली आहे.

स्थगित झालेल्या निवडणुकीत गडचांदूर नगर पालिकेतील प्रभाग क्रमांक 8 ब सर्वसाधारण महिला व मूल पालिकेतील प्रभाग क्रमांक 10 ब सर्वसाधारण तसेच घुग्घुस येथील प्रभाग ५ मधील ब ,7 मधील अ व प्रभाग 9 अ या जागांचा समावेश आहे.

गडचांदूर नगर पालिकेत आसमा नवाज बेग, मल्लिक सुजाता सुजित,संगीता गुरूदास मून, शेख रजिया सुलतान खाजा,शकीला शेख,मंगला सत्यवान हिरादेवे या सहा उमेदवारांनी प्रभाग 8 ब मधून नामांकन दाखल केले होते.छाननीत त्यांचे नामांकन रद्द करण्यात आले होते. त्यामुळे या सर्वांनी न्यायालयात धाव घेतली होती.

तर मूल येथे प्रभाग ब 10 मध्ये कॉग्रेसचे राहुल पेमलवार,भाजपचे निलेश देवराव रॉय यांनी नामांकन दाखल केले होते.ही जागा सर्वसाधारणसाठी राखीव आहे. रॉय यांचे आडनाव मतदार यादीत रायकंटीवार असतांना रॉय कसे असा प्रश्न उपस्थित करून निवडणूक अधिकार्‍याकडे अपील दाखल केले होते.

इतरही उमेदवारांनी आक्षेप घेतला त्यामुळे या सर्वांनी न्यायालयात दाद मागीतली. न्यायालयाचा निकाल आला मात्र निवडणूक आयोगाचा अंतिम निकाल आला नाही.त्यामुळे आता या सर्व निवडणुकींना पुढील आदेशापर्यंत स्थगिती दिली आहे.