जिद्द,चिकाटी व आत्मविश्वासाने यशोशिखर गाठा. - अधिष्ठाता डॉ.कोमल ठाकरे
वार्षिकोत्सव व शैक्षणिक श्रेष्ठता शिष्यवृत्ती वितरण सोहळा.
अमरदीप लोखंडे - सहसंपादक
ब्रम्हपुरी : " अत्यंत खडतर प्रवास व प्रयत्न करुन कालीदास घडला,ज्याने ' मेघदूत ' लिहले.आपण विद्यार्थी दशेत असतांना ज्ञानार्थी होण्यासाठी झटले पाहिजे.या नेवजाबाई हितकारिणी महाविद्यालयाने अनेक विद्यार्थी घडविले,ते आपल्या क्षेत्रात नामवंत आहेत.राष्ट्रसंतांच्या पदस्पर्शाने ही भूमी पावन असून इथे शिकणारे तुम्ही भाग्यवान आहात.या आश्वासक परिसरात आपण सारे ज्ञानाचे सारथी व्हावे
आणि जिद्द, चिकाटी व आत्मविश्वासाने यशोशिखर गाठावे " असे मार्मिक भाष्य रिद्धपूर येथील मराठी भाषा विद्यापीठाचे अधिष्ठाता व प्रसिध्द वक्ते डॉ कोमले ठाकरेंनी केले.ते नेवजाबाई हितकारिणी महाविद्यालय व शांताबाई महिला महाविद्यालय आयोजित वार्षिकोत्सव व शैक्षणिक श्रेष्ठता शिष्यवृत्ती वितरण सोहळयात प्रमुख मार्गदर्शक म्हणून बोलत होते.
विचारपीठावर नेवजाबाई भैया हितकारिणी शिक्षण संस्थेचे अध्यक्ष श्रीमती स्नेहलताबाई भैया अध्यक्षस्थानी होत्या.या कार्यक्रमाचे उद् घाटन गोंडवाना विद्यापीठाचे प्र- कुलगुरू डॉ श्रीराम कावळे यांनी केले.प्रमुख अतिथी म्हणून संस्थेचे सचिव अशोक भैया,नगराध्यक्ष योगेश मिसार तर प्रमुख उपस्थितीत कार्य.
प्राचार्य डॉ.सुभाष शेकोकर,प्राचार्य डॉ एम एस वरभे,प्रा मेजर विनोद नरड, वार्षिकोत्सव प्रभारी डॉ भास्कर लेनगुरे,डॉ हर्षा कानफाडे,शिष्यवृत्ती पुरस्कार प्रभारी डॉ.अजित खाजगीवाले,कला शाखा प्रमुख डॉ.राजेंद्र डांगे, वाणिज्य शाखा प्रमुख डॉ. रेखा मेश्राम,अधिक्षक संगीता ठाकरे,विद्यार्थी संघ अध्यक्ष सौरभ तलमले,श्रध्दा म्हशाखेत्री, सचिव कार्तिक गुरनुले,हर्षिता शेंडे इ.मान्यवर उपस्थित होते.याप्रसंगी पाहूण्यांचा सत्कार करण्यात आला.
प्रा.कुलगुरू डॉ कावळे यांनी ध्येयाची कास धरुन वाटचाल करा! असा सल्ला दिला तर अशोक भैयांनी विद्यार्थ्यांना प्रेरणादायी मार्गदर्शन केले.अध्यक्षीय भाषणात श्रीमती स्नेहलताबाई भैयांनी, वार्षिकोत्सव हा विद्यार्थ्यांच्या आनंदासाठी व कला गुणांच्या विकासाची पर्वणी आहे,असे सांगून शुभेच्छा दिल्या. पाहूण्यांच्या हस्ते विद्यार्थ्यांना शैक्षणिक श्रेष्ठता शिष्यवृत्तीचे वितरण करण्यात आले.
या कार्यक्रमाचे प्रास्ताविक व पाहूण्यांचा परिचय कार्य.प्राचार्य डॉ सुभाष शेकोकरांनी केले.मुख्य कार्यक्रमाचे संचालन डॉ धनराज खानोरकर तर शिष्यवृत्ती वितरण सोहळयाचे संचालन प्रा.बालाजी दमकोंडवार,प्रा.आकाश मेश्रामांनी केले.आभार डॉ अजित खाजगीवालेंनी मानले.
यशस्वीतेसाठी समिती प्रभारी डॉ.असलम शेख,डॉ मोहन कापगते,डॉ रतन मेश्राम,डॉ युवराज मेश्राम,डॉ किशोर नाकतोडे,डॉ सुनिल चौधरी,डॉ अरविंद मुंगोले,डॉ प्रकाश वट्टी,डॉ पद्माकर वानखडे,डॉ मिलिंद पठाडे,प्रा दलेश परशुरामकर, डॉ कुलजित शर्मा,डॉ दर्शना उराडे,प्रा आकाश मेश्राम,डॉ अभिमन्यू पवार,पर्यवेक्षक प्रा. आनंद भोयर व समिती सदस्यांनी अथक परिश्रम घेतले.
