गायी म्हशी चराईसाठी गेलेल्या ६० वर्षाच्या वृद्धावर बिबट्याचा हल्ला.
📍वयोवृद्धाने मोठ्या हिमतीने त्याच्याशी दोन हात केले.झुंजीत ते जखमी.
एस.के.24 तास
भंडारा : उत्तर प्रदेशातील लखीमपूर खेरी येथे एका कामगारावर बिबट्याने हल्ला भंडारा जिल्ह्यातही अशीच एक घटना समोर आली आहे.शेतात गायी म्हशी चराईसाठी गेलेल्या एका ६० वर्षाच्या वृद्धावर बिबट्याने हल्ल्या चढविला. मात्र, बिबट्याचा हल्ला परतवून लावत या वयोवृद्धाने मोठ्या हिमतीने त्याच्याशी दोन हात केले. या झुंजीत ते जखमी झाले तरीही बिबट्याला पळ काढण्यास त्यांनी भाग पडले.
लाखनी तालुक्यातील रामपुरी हे घनदाट जंगलव्याप्त गाव. या परिसरात हिंस्त्र श्वापदांचा कायम वावर असतो. या भागातील अनेक अल्पभूधारक पशुपालनावर उपजीविका करतात.साठ वर्षीय भास्कर शिंदे हे सुद्धा पशुपालक असून त्यांच्याकडे १० ते १२ गायी म्हशी आहेत.मंगळवारी दुपारी १२ वाजताच्या सुमारास दिनचर्याप्रमाणे भास्कर हे स्वतःच्या मालकीच्या म्हशी घेऊन शेताकडे चारण्यासाठी गेले.
ही झटापट चालू असताना मी मदतीसाठी हाका मारल्या मात्र आजूबाजूला असलेल्या शेतातून कोणी धावून आले नाही.अखेर मी आरडाओरड करण्यास सुरवात केली.सुदैवाने यात माझा जीव वाचला. माझ्या पशुधनाही इजा झाली नाही.
