कुर्झा वार्डात विविध कार्यक्रमांनी संताजी महाराज जयंती उत्साहात साजरी.
अमरदीप लोखंडे - सहसंपादक
ब्रम्हपुरी : संतश्रेष्ठ संताजी जगनाडे महाराज जयंती उत्सवानिमित्त ब्रह्मपुरीतील कुर्झा वार्डात विविध कार्यक्रम आयोजित करुन महाराजांची जयती मोठया उत्साहात साजरी करण्यात आली.सर्व प्रथम संताजी चौकात मान्यवरांच्या हस्ते महाराजांच्या प्रतिमेला पुष्पहार अर्पण करून अभिवादन करण्यात आले.
यानंतर महिला मंडळाच्या वतीने वारकरी भजनाचा कार्यक्रम घेण्यात आला.भजन गजर झाल्यानंतर वार्डातून मिरवणूक काढण्यात आली.यात महाराजांची वेशभूषा,विठ्ठल- रुक्मिणी दर्शन इत्यादी प्रकारांनी भव्य मिरवणूक काढली गेली.यानंतर गोपाळकाला आणि सामूहिक स्नेहभोजनाचा कार्यक्रम पार पडला.
या सर्व कार्यक्रमासाठी शालूबाई साखरकर,गोलू साखरकर,रमेश जिभकाटे,सुरेश जिभकाटे,खुशाल विखार, मोतीलाल मुंडले, दिनेश मुंडले,डुबराज लाखे,दिनकर खेत्रे, सुनिल उराडे,सुनिल बावनकुळे,दिनकर फटिंग, सतिश बावनकुळे, यशवंत विखार,नाना सेलोकर,राधेश्याम सेलोकर यांनी मोलाचे सहकार्य करुन कार्यक्रम यशस्वी केला.
